நீ தின்று மீதி தந்த
ஐஸ் கிரீம்
நீ துடைத்த கைக்குட்டை
உன் பெயர் தாங்கிய
காகிதம்
நீ எழுதி விட்டு தந்த பேனை
நீ பேசும் போது,
கடிக்கும் நகங்கள்
உன் சுவாசம் தாங்கிய
பலூன்
நீ புன்னகைக்கும் படம்
இப்படி குட்டி குட்டி
பொக்கிஷங்கள் நம் காதல்
சின்னமாய் என்னிடமுண்டு
அன்பே !
உன்னை தவிர
உனக்காக உயிரை விட்டு விட
துணிந்தாலும்
என்னுயிர் நீ என்று சொன்னாயே !!
என்னுயிர் போனால்
உன்னுயிர் போய்விடுமோ?
பயமாயிருக்குதடா............
உன் நினைவு இருக்கும் என் இதயத்தை
கழற்றி எரியச்சொல்கிறாய்
என் இதயத்தில்
நினைவாக நீயிருந்தால்
பரவாயில்லை
இதயமாகவே இருக்கிறாய் நீ !
எப்படி என்னால் எறிய முடியும்,?
உன்னை மறந்தது போல் நடிக்கத்தான் முடியும்
நிஜத்தில் முடியாதடா...........
என் காயங்கள் உன்னை கண்ணீர் சிந்த விடும் என
நம்பி என்
எத்தனையோ துயரங்களை
உன்னிடம் சொல்லவில்லை
காதலை சாதலாக்க எனக்கும் தெரியாது........
என்னவனுக்கு தெரியும் என்றும் எனக்கு தெரியாது
காதலை பூஜிக்க தெரியும்
உன்னை போல் புதைக்க தெரியாது ....
நம் காதல் உண்மை என்றால்
என் கல்லறையிலாவது வந்து எழுதி செல்
உன் பெயரை என் ஆத்ம சாந்திக்காக அல்ல ,
நம் காதலின் ஆத்மார்த்தமான காதலின் சாட்சிக்காக .........